Поради протекување на покривот на Драмски театар, претставите ќе се играат само на малата сцена

Ќе се изврши и привремена санација на покривот, бидејќи за долготрајно решение е потребен поголем градежен зафат за целосна реконструкција, а не санација, за што се потребни поголеми финансиски средства, велат од театарот

Драмскиот театар во Скопје информира дека поради протекувањето на покривот ќе се обиде да изврши привремена санација на местата каде што протекува, а во меѓувреме театарот ќе продолжи со проби. Претстави ќе може да се играат само на малата сцена во театарот.

„По темелна проверка на целокупната документација за санација на покривот направена во 2018 година и разговор и консултација со тогашниот технички директор, констатирано е следното: Заменета е целокупната покривна површина на театарот освен страничните ѕидови на кулата. Во договорот склучен со фирмата која е изведувач на санацијата на покривот, стои гарантен рок од 12 месеци“,

соопштија од Драмскиот театар.

Поплавен Драмски театар во Скопје, се одложуваат претстави

Драмски театар Скопје информира дека ќе се обиде да изврши привремена санација на местата каде што протекува.

Сепак, како што се посочува во соопштението, за подолготрајно решение потребен е поголем градежен зафат со целосна реконструкција, а не санација, за што се потребни поголеми финансиски средства.

„Додека не се заврши привремената санација, театарот ќе продолжи со проби, а претстави ќе може да се играат само на малата сцена во театарот“,

соопштија од театарот.