Забраната за тешки товарни возила е воведена на правецот Гостивар-Стража- Кичево и на правецот Крак-Маврово-Дебар, информираат од Јавното претпријатие за одржување и заштита на магистралните и регионалните патишта „Македонија пат“
Поради обилни врнежи од снег од доцна вечерва е воведена забрана за тешки товарни возила на неколку патни правци во земјава.
Од 22:10 часот забраната за тешки товарни возила е воведена на правецот Гостивар-Стража- Кичево, а од 22:20 часот на правецот Крак-Маврово-Дебар, информираат од Јавното претпријатие за одржување и заштита на магистралните и регионалните патишта „Македонија пат“.
Екипите на „Македонија пат“ се на терен и интервенираат на планинските превои и сите критични места.