Во изминатото деноноќие низ ковид-центрите во земјава е пријавено дека се лекуваат вкупно 596 ковид-пациенти, од кои 346 низ центрите во внатрешноста, а останатите 250 во Скопје.
Министерството за здравство информира дека според извештаите на болниците кои пристигнуваат кај нив на дневна основа, во болницата во Битола се хоспитализирани 19 пациент позитивен и суспектен на ковид-19. Во болницата во Штип се хоспитализирани 41 пациент. На инфективното одделение во Тетово има 21 пациент, во Велес се лекуваат 35 болни, а во Куманово 45 пациенти позитивни и суспектни на ковид-19. Во ковид-центарот во Охрид има хоспитализирано 50 пациенти, во Прилеп 21 во ковид-центарот во Гостивар 18, а во Струга 19 болни. Во болницата во Струмица хоспитализирани се 19 пациенти, во Кочани 7 во Кичево 8, Кавадарци 24, во Гевгелија 6 лица, а во Дебар 13 позитивни и суспектни на коронавирусот.
„Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 596 и има околу 510 празни болнички кревети во ковид-центрите. Во тек на денот се прават и исписи на оздравени пациенти со што ќе се ослободат дополнителни легла“,
информираат од Министерството.
Тие додаваат дека треба да се има предвит оти бројките се менуваат од час во час, според направените приеми и исписи на пациенти.
„Сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени“,
додаваат во соопштението.