Случајот стигна до јавен обвинител, поради „непостапување според здравствени прописи за време на епидемија“
Тројца гости без сертификати за примена вакцина против ковид-19 затекнала полицијата при контрола во угостителски објект во село Миравци.
Во угостителскиот објект, при контролата било констатирано дека не биле почитувани владините мерки за заштита од ковид – 19, односно, немало задолжителна проверка на влез на гостите од страна на одредено одговорно лице – редар. Исто така, вработените во угостителскиот објект кои послужувале гости не носеле заштитни маски, немало задолжително поставено дезинфекциски средства.
„Полициски службеници од Секторот за внатрешни работи – Струмица, на 22 јануари, во времето од 23.00 до 24.00 часот, извршиле контрола во угостителски објект во село Миравци, Гевгелиско и било констатирано дека во објектот не биле почитувани мерките за заштита од ковид – 19. Во објектот биле затекнати и тројца гости кои не поседувале сертификати“
наведоа од МВР
Оттаму додадоа дека е известен Јавен обвинител од Основното јавно обвинителство Гевгелија, а по целосно документирање на случајот ќе биде поднесена кривична пријава за „непостапување според здравствени прописи за време на епидемија“ по чл. 206 од Кривичниот законик.