Осуденикот бил баран со потерница за доиздржување на уште три години од казната
Утринава, во 4 часот, полицијата уапсила осуденик баран со потерница за доиздржување на затворската казна.
Станува збор за А. И. (35) од Липковско, кој e осуден на пет години и седум месеци затворска казна за сторени кривични дела неовластено производство и пуштање во промет на наркотични дроги, психотропни супстанци и прекурзори, по член 215, трговија со луѓе по член 418 – а и фалсификување исправа по член 378 од Кривичниот законик.
Осуденикот бил баран со потерница за доиздржување на уште три години од казната.
„Лицето е спроведено во Казнено-поправна установа Затвор ‘Идризово’ за доиздржување на затворската казна“,
соопшти МВР.