„Согледувајќи ја моменталната состојба во однос на трошоците на живот, како и фактот дека договорените активности со Владата не се реализирани во однос на буџетирањето и платите на судиите“, на денешната седница, УО формираше работна група која ќе изготви нови барања кон надлежните институции со конкретни рокови за реализација
Здружението на судии формира работна група која ќе подготви нови барања кон надлежните институции за подобрување на материјалниот статус на судиите, со конкретни рокови за реализација. Во спротивно, како што најавуваат од Здружението, ќе бидат преземени други мерки за остварување на целта.
Тоа е исходот од денешната седница на на Управниот одбор на Здружение на судиите, на која е усвоена Стратегија за подобрување на материјалниот статус на судиите 2022-2024 година. На оваа седница, како што се соопштува, Управниот одбор расправал и за моменталната состојба за материјалниот статус на судиите и досега преземените активности и при тоа заклучил дека „договорните активности со Владата низ долгогодишниот дијалог, а во насока на подобрување на материјалниот статус на судиите, не се реализирани во целост од страна на Владата.
„Согледувајќи ја моменталната состојба во однос на трошоците на живот, како и фактот дека суштински договорените активности со Владата не се реализирани во однос на буџетирањето и платите на судиите, на денешната седница Управниот одбор формираше работна група која ќе изготви нови барања кон надлежните институции со конкретни рокови за реализација. Во спротивно, согласно консултациите со членството, Здружение на судиите на Република Северна Македонија, ќе преземе други мерки за остварување на своите цели“,
се наведува во соопштението од седницата.