Миленик на навивачите, засекогаш ќе остане препознатлив по посветеноста, како и професионализмот кој го красеше во текот на целата играчка и тренерска кариера, напишаа од ФК Вардар
На 38 годишна возраст почина Дејан Костуранов, поранешен голман на македонските екипи Вардар, Силекс, Скопје, Македонија ЃП, Охрид и Еуромилк.
„Миленик на навивачите, засекогаш ќе остане препознатлив по посветеноста, како и професионализмот кој го красеше во текот на целата играчка и тренерска кариера. Во името на клубот изразуваме сочувство до семејството, како и до сите останати блиски пријатели на Дејан“,
напишаа од ФК Вардар.
Својата долгогодишна успешна кариера како голман, Костуранов ја започна во ФК Вардар, каде што беше дел првенствено од младинските категории.
По завршување на професионалната кариера тој работеше во Србија како тренер на голмани, а негов последен ангажман беше во стручниот штаб на Фудбалскиот сојуз на Војводина.
Пред само два дена со аматерската српска репрезентација победи на турнир во Стара Пазова.