Младеновски беше долгогодишен дописник на „Нова Македонија“, новинар и главен и одговорен уредник во „Битолски весник“. Во новинарството остана активен до последните денови
По кусо боледување денеска почина Менде Младеновски (1955-2024), долгогодишен новинар и главен и одговорен уредник на „Битолски весник“. Младеновски беше долгогодишен дописник на „Нова Македонија“. Во новинарството остана активен до последните денови.
Неговиот придонес во македонското новинарство е огромен, а меѓу колегите ќе остане запаметен како голем професионалец во новинарството кој целиот свој работен век му го посвети на „Битолски весник“.
Добитник е на бројни награди и посебни признанија од Здружението на новинарите.