Иако никогаш не освои ниту една од главните филмски награди за главна улога, тој освои два Златни глобуси за најдобра споредна машка улога – во филмовите „Граѓанин Икс“ и „Патот до војната“. Беше награден и со почесен Оскар во 2017 година
Холивудскиот актер Доналд Сатерленд почина на 88-годишна возраст во Мајами по долга борба со болеста. Веста за неговата смрт ја потврди неговиот син Кифер Сатернелд.
Кариерата на Сатерленд траеше повеќе од 60 години, со снимени на повеќе од 190 филмови и серии.
Иако никогаш не освои ниту една од главните филмски награди за главна улога, тој освои два Златни глобуси за најдобра споредна машка улога – во филмовите „Граѓанин Икс“ и „Патот до војната“. Беше награден и со почесен Оскар во 2017 година.
Публиката го засака Сатерленд и како актер во филмот „Игри на гладта“.
Неговиот син, актерот Кифер Сатерленд, му оддаде почит на неговиот татко со објава на социјалната мрежа Икс.
„Со тешко срце ви соопштувам дека почина мојот татко Доналд Сатерленд. Лично сметам дека тој е еден од најважните актери во историјата на кинематографијата. Никогаш не го заплашила некоја улога, добра, лоша или негативна. Го сакаше тоа што го правеше и го правеше тоа што го сакаше, а повеќе од тоа не можеше да бара. Имаше добар живот“,
напиша тој.
With a heavy heart, I tell you that my father, Donald Sutherland, has passed away. I personally think one of the most important actors in the history of film. Never daunted by a role, good, bad or ugly. He loved what he did and did what he loved, and one can never ask for more… pic.twitter.com/3EdJB03KKT
— Kiefer Sutherland (@RealKiefer) June 20, 2024
Сатерленд е роден во Канада во 1935 година, каде студирал драма на Универзитетот во Торонто, но во 1957 година се преселил во Лондон каде што се приклучил на класата по глума на Лондонската академија за музика и драмска уметност.
Кариерата ја започнал играјќи во мали улоги во британските телевизиски серии, полека придвижувајќи се и добивајќи се повеќе познати и сериозни филмови.
Вратата на славата му ја отвори улогата во воениот акционен филм „Дванаесетте жигосани“ со тема на Втората светска војна.
Од средината на 80-тите години од минатиор век започна неговиот подем во кариерата кој траеше практично до неговите последни денови од животот. Учествувал во различни улоги, од психолошки драми до трилери и улоги научна фантастика.