Опозициските пратеници во собраниската комисија за култура и информирање вчера поднесоа барање за одржување седница со цел да се покрене нова процедура за избор на членови на Советот на РЕМ, наведувајќи дека одговараат и на барањето на студентите кои протестираат пред РТС
Претседателката на Комисијата за култура и информирање во српскиот парламент, Невена Ѓуриќ, за 28 април закажа седница на комисијата, на која ќе биде донесена одлука за покренување на постапката за предлагање кандидати за избор на членови на Советот на Регулаторното тело за електронски медиуми (РЕМ).
Покренувањето на оваа постапка е барање на студентите, кои од 14 април го блокираат српскиот радиодифузен сервис (РТС). Тие бараат распишување нов конкурс за членови на Советот на РЕМ или затворање на РТС.
Претседателката на српскиот парламент Ана Брнабиќ рече дека седницата на парламентарната комисија е закажана по барање на опозиционерите на таа комисија и ги повика студентите да ја прекинат блокадата на РТС.
Опозициските пратеници во собраниската комисија за култура и информирање вчера поднесоа барање за одржување седница со цел да се покрене нова процедура за избор на членови на Советот на РЕМ, наведувајќи дека одговараат и на барањето на студентите кои протестираат пред РТС.
Студентската блокада на зградата на јавниот сервис на Србија трае од 14 април. Во меѓувреме, РТС соопшти дека поради тешките работни околности била принудена да го приспособи програмскиот распоред. Оттаму дополнително соопштија дека поднеле кривична пријава до Основното јавно обвинителство Белград против организаторите на блокадите и дека побарале реакција од меѓународните институции.