Во моментов има околу 132 илјади вработени во јавната администрација, за разлика од пред четири – пет години кога биле околу 160 илјади, а тој број наскоро се очекува дополнително да се намали со стапување на сила на законот за задолжително пензионирање на 64 години
Јавната администрација годинава ќе го добие регресот за годишен одмор или таканаречениот К-15 за што се алоцирани дополнителни 230 милиони денари.
Тоа е обврска од потпишаните колективни договори во 2019 година и таа треба да се исполни, вели премиерот Зоран Заев, откако лани овој финансиски додаток административците не о добија поради кризата со пандемијата и одлуата на Влдата да ги намали трошоците.
„Ние сме благодарни на сите синдикални организции кои имаа разбирање за одложување на оваа мерка за 2020 година, со оглед на ситуацијата и не беше во ред да се исплати додатокот кога беше почнат третиот бран. Но, годинава треба да се исплати. Тоа сме го ветиле и не само што сме го ветиле, туку е потпишан договор за оваа работа и тој треба да се реализира“,
рече Заев, одговарајќи на новинарско прашање на денешната прес-конференција.
Премиерот рече дека во моментов има околу 132 илјади вработени во јавната администрација, за разлика од пред четири – пет години кога биле околу 160 илјади. Наскоро се очекува да стапи во сила и законот за задолжително пензионирање на 64 години, што ќе влијае на дополнително на намалување на самата бројка, рече Заев, додавајќи дека нема зголемување на бројот на јавната администрација, односно дека таа се рационализира.