Неколку дена по ред Италија пријавуваше намалена бројка на починати лица со ковид-19. Денеска пак, во статистиката влегоа 474 починати лица.
Според „Ла Република“, високиот број на починати од денешниот билтен е поради тоа што во него влегле лица заразени со ковид-19 што починале надвор од болничките капацитети во текот на месец април.
Според италијанскиот весник бројката на такви лица изнесувала 282.
Во моментов во Италија има над 100 илјади активни случаи на коронавирус, а вкупно се 209 дијагностицирани. Од нив 28 илјади се починати, а 79 илјади се излекувани.
„Ла Република“ вчера објави дека регистрирани се девет случаи кај кои е повторно дијагностициран ковид-19.
Станува збор за пациенти кои биле отпуштени од болници со негативен резултат по третманот и кои подоцна се разболеле повторно со ковид-19 или имале поблаги симптоми на зараза.
Оние со поблаги симптоми се лекуваат дома преку видео-надзор од страна на медицински лица, а оние со потешка форма на болеста се препраќаат во болница. Случаите се пријавени во провинциите Лоди и Кремона во Ломбардија, една од најтешко погодените од епидемијата од февруари.