Доктори од Универзитетската клиника за детски болести во Скопје ја посетиле приватната болница „Систина“, по информациите дека деца што прележале ковид-19, имале тешки пост-ковид компликации, информираа денеска од болницата.
„Колегите од државната Универзитетска клиника за детски болести и од Педијатриската Болница на „Аџибадем Систина“ ги разменија и споделија своите искуства за овој тип на компликации и начин на третирање кај децата. Со оглед на тоа дека манифестација на вирусот е непредвидлива сметаме дека овие состаноци се правилниот начин за споделување на информациите и веруваме дека сознанијата изнесени од двете страни на овој конструктивен состанок позитивно ќе придонесат во понатамошниот третман на децата кај кои се појавува ваков тип на постковид компликации“,
се вели во соопштението од „Аџибадем Систина“.
Претходно, детскиот кардиохирург д-р Владимир Чадиковски на социјалните мрежи објави дека кај деца кои прележале ковид-19 се јавиле тешки пост-ковид компликации.
ПОВЕЌЕОРГАНСКИ ИНФЛАМАТОРЕН СИНДРОМ кај деца по прележан К19.
— Vladimir Chadikovski (@chadikovski) December 15, 2020
4-5 нед.по прележување
ПСР нег.
IgG антитела 10 пати повеќе
39-40 темп.
Срцева деком.
Бубрежна инсуф.
Д димери зголемени
Коагулопатија
Осип по кожа
Коњуктивит
Кашлица,тешко дишење
До сега третирани 8 деца кај нас!!
На новинарско прашање на прес-конференција пред неколку дена, директорката на Клиниката за детски болести пак, д-р Аспазија Софијанова рече дека треба да се проверат информациите од приватните институции и дека досега на Клиниката немало такви случаи.
Министерот за здравство, Венко Филипче најави дека откако ќе заврши надзорот ќе ја информираат јавноста.