Премиерот Андреј Пленковиќ денеска ја почести со кафе претседателката на Европската комисија Урсула фон дер Лајен, плаќајќи за првпат во евра на главниот плоштад во Загреб, на денот кога Хрватска стана членка на еврозоната
Хрватска зачекори во историската 2023 година. Од полноќ стана дел од Шенген зоната. Поставени се рампи и укинати се 73 копнени гранични премини со Словенија и Унгарија. Денеска е дадено зелено светло и слободно може да се помине низ Брегана, која без контрола ја помина и претседателката на Европската комисија, Урсула фон дер Лајен, пренесуваат хрвтаските медиуми.
По 30 години хрватската официјална валута повеќе не е куната, туку еврото. По бурната ноќ, во сонливото утро, граѓаните полека почнаа да трошат евра, но и куни, пишува ХРТ.
Премиерот Андреј Пленковиќ денеска ја почести со кафе претседателката на Европската комисија Урсула фон дер Лајен, плаќајќи за првпат во евра на главниот плоштад во Загреб, на денот кога Хрватска стана членка на еврозоната.
Двајцата пиеле кафе во друштво на министерот за финансии Марко Приморц и гувернерот на Хрватската народна банка Борис Вујчиќ, а премиерот платил со евро банкноти.
Воедно, Вујчиќ на претседателката на ЕК ѝ подари хрватски примероци на монети од евра со симболот куна.
Претседателката на ЕК новогодишната посета ја заврши со прошетка низ Загреб.