Бугарскиот премиер, одговарајќи на новинарско прашање за ставот за македонскиот јазик, повтори дека Бугарија го почитува самоопределувањето на сите граѓани и користењето на сите јазици според Уставот
Ние сме држава која е признаена од Република Бугарија и во своето уставно уредување го има македонскиот јазик, имаме договор каде што е регулиран начинот на кој се потпишува, официјалните јазици на државите, нашиот јазик е дел од Повелбата на ОН и други мултинационални институции и организации во кои членуваме, одговори премиерот Димитар Ковачевски на прашањето на бугарска новинарка дали Северна Македонија би ги прифатила барањето на Бугарија, преговорите за членство во ЕУ да се водат на „официјалните јазици“ на државите, наместо конкретно да се споменат.
Петков, одговарајќи на новинарско прашање за ставот за македонскиот јазик, повтори дека Бугарија го почитува самоопределувањето на сите граѓани и користењето на сите јазици според Уставот.
„Сакам да кажам дека и во Договорот имаме јасна дефиниција во однос на јазикот и во други документи што се потпишани. Горд сум да кажам дека Бугарија е прва земја која ја призна независноста на Северна Македонија и истовремено со тоа ја почитуваме самоопределбата на сите граѓани во Северна Македонија и користењето на сите ваши јазици како што е во Уставот и во најконструктивен дух ќе ги третираме овие прашања“,
рече Петков.