Првообвинетиот (С.В.) доби две и пол години казна затвор и казна од две илјади евра, неговиот татко две години казна затвор и илјада евра казна, мајката на првообвинетиот доби една година и единаесет месеци затворска казна и уште илјада евра казна. Преостанатите двајца обвинети, кои признаа вина, добија по две години затвор и по илјада евра казна. Само еден од шестемина кој вчера пред Судот признаа вина, (Ј.К.) доби условна казна затвор од две години доколку не стори дело во следните пет години и казна од илјада евра. Сите обвинети, исто така, треба да ја надоместат штетата, односно да го платат данокот
Пет затворски и една условна казна добија шестмина обвинети за финансиски криминал во случајот „Синџир“, кои вчера ја признаа вината, а од кои тројца се осудени за злосторничко здружување и даночно затајување, а двајца за перење пари. Судот ги задолжи да го вратат даночниот долг, но веројатно наплатата ќе се спроведува тешко, со оглед на тоа дека фирмите со кои ги правеле злоупотребите немаат пари на сметка, а обвинетите немаат имот на нивно име.
Инаку, во случајот „Синџир“, кој беше отворен кон крајот на октомври лани, со истрагата беа опфатени 26 лица, сопственици и управители на 28 фирми, осомничени дека создале шема за даночно затајување, преку која со издавање на фактури со ДДВ за наводно извршени набавки, кои не постоеле, го оштетиле државниот буџет за околу осум милиони евра.
Во меѓувреме истрагата беше проширена за уште две лица, а за едно лице, кое во меѓувреме додека траеше постапката за оценка на обвинителниот акт почина, донесено е решение за запирање на истрагата. Судењето продолжува за 11 обвинети кои не признаа вина.
Првообвинетиот (С.В.) доби две и пол години казна затвор и казна од две илјади евра, неговиот татко две години казна затвор и илјада евра казна, мајката на првообвинетиот доби година и единаесет месеци затворска казна и уште илјада евра казна. Останатите двајца обвинети, кои признаа вина, добија по две години затвор и по илјада евра казна. Само еден од шестмината кои вчера пред Судот признаа вина, (Ј.К.) доби условна казна затвор од две години, доколку не стори дело во следните пет години и казна од илјада евра. Сите обвинети, исто така, треба да ја надоместат штетата, односно да го платат данокот.
За шест фирми чии застапници, исто така, вчера признаа вина судот изрече парични казни, но и забрани за учество во јавни повици и концесии.
Претходното Јавното обвинителство соопшти дека со шестмина осомничени и шест кривично одговорни правни лица во случајот „Синџир“ биле постигнати спогодби, со кои во државниот буџет се вратени еден милион евра.
Инаку, според диспозитивот на Обвинителниот акт, обвинетите сопственици и управители на фирмите кривичните дела ги сториле во периодот од 1 јануари 2019 година до 31 декември 2021 година.
Акцијата за сузбивање на групата, како што информираа лани во октомври од ОЈО ГОКК, следуваше по повеќемесечна предистражна постапка што Обвинителството ја спроведе со Управата за финансиска полиција и истражители од Истражниот центар на Основното јавно обвинителство за гонење организиран криминал и корупција.
„Според содржината на диспозитивот на Обвинителниот акт обвинетите во својство на сопственици и управители на правни субјекти во периодот од 01.01.2019 година до 31.12.2021 година во име и за сметка на кривично одговорните правни лица во нивна сопственост и управување, не пресметале и не платиле данок – давачка на која биле законски обврзани. На овој начин, со намера за себе да се стекнат со противправна имотна корист, осомничените предизвикале штета на Буџетот на Р.С. Македонија во вкупен износ од 490 808 618 денари или 7 980 627 евра. Парични средства што ги прибавиле со казниви дела во вкупен износ од 40 046 815 денари ги пуштиле во оптег, ги примиле и извршиле пренос на истите, по што ги подигнале во готово“,
се наведува во соопштението од ОЈО ГОКК.