Пензиониран доктор од тетовското село Теарце пружил прва помош и со тоа најверојатно и му го спасил животот на работник паднат од бандера, кој скршил нога и добил потрес на мозок.
Ова е само една од неговите интервенции. Порталот „Тетово инфо“ објавува дека докторот Абдулџелал Есати, познат како доктор Џеки, волонтерски помага при секакви незгоди. Тој кажал дека без разлика што е во пензија, гледа да помогне секаде каде што може.
„Имам статус пензионер, меѓутоа, уште немам почувствувано што значи да се биде пензионер, затоа што се случува ноќе да ме повикаат некому да дадам инфузија, пациент не се буди, јас го будам. Никогаш никого не сум одбил, не исклучувам мобилен телефон“,
вели доктор Есати.
Тој за својата мисија раскажувал на средба со тетовските новинари. Повеќе за него може да прочитате овде.