Претседателот Стево Пендаровски денеска преку Фејсбук соопшти дека одобрил употреба на армиските хеликоптери и вклучување на армијата со целосен капацитет во гасење на пожарите кои беснеат на неколку локации низ државата.
„Вечерва во Крушево, началникот на Генералштабот, генерал-потполковник Васко Ѓурчиновски ме информираше за состојбата со пожарите низ земјата и посебно за големиот пожар во Кочани доцна попладнево. Наредбата како Врховен командант за ангажман на Армијата со целосен капацитет ја дадов во 16:30 минути. Одобрена е и употреба на воздухопловите, кои денеска веќе интервенираа во Старо Нагоричане, а утре наутро одат на помош во Кочани. Во текот на денот беа ангажирани нас 170 припадници на армијата, а во текот на ноќта ќе се следи состојбата на терен и ќе се ангажираат дополнителни сили, како и средства за справување со состојбите и помош на населението насекаде каде што има потреба“,
соопшти претседателот Пендаровски преку социјалната мрежа „Фејсбук“