Пред верниците на плоштадот Свети Петар во Ватикан папата Франциск повика на „итно прекинување на бесмислената војна во Украина“, а ја осуди и употребата на „храната како оружје“
Во својата божиќна порака папата Франциск говорејќи пред верниците на плоштадот Свети Петар во Ватикан повика на „итно прекинување на бесмислената војна во Украина“, а ја осуди и употребата на „храната како оружје“ во војна.
„Господ нека не инспирира да понудиме конкретни гестови на солидарност за да им помогнеме на сите оние кои страдаат и нека ги просветли умовите на оние кои имаат моќ да го замолчат оружјето и веднаш да стават крај на оваа бесмислена војна!“,
рече папата Франциск.
Додека најголемиот дел од неговиот десетминутен говор беше посветен на војната во Украина, папата ги спомена и конфликтите и хуманитарните кризи во Сирија, Мјанмар, Иран и Хаити, како и во африканскиот регион Сахел, велејќи дека светот доживува „глад за мир“.
Тој исто така ги повика луѓето да гледаат подалеку од „плиткиот празничен сјај“ и да им помогнат на бездомниците, имигрантите, бегалците и сиромашните.
Франциск повика на продолжување на дијалогот меѓу Израелците и Палестинците во Светата земја, местото на раѓање на Исус.