Вредноста на биткоините на корисничките сметки на крипто-берзите, каде што инвеститорите на мало вообичаено вршат трансакции, падна на околу 2,3 милиони од рекордното високо ниво во 2020 година од 3,1 милиони, соопшти берзата Битфинекс
„Речиси банкротирав“, вели Џад Фаваз, трговец со криптовалути од Абу Даби. „Се смеам затоа што нема смисла да се изложувам на поголема депресија и фрустрација поради тоа“. Четириесет и петгодишникот, кој се откажа од бизнисот со недвижнини пред една година за да се фокусира на тргување со криптовалути, гледал како неговите средства и заработка исчезнуваат во последните месеци. Тој рече дека не спиел една недела поради стресот.
„Имав околу 40 коини, а потоа паднав на 20, потоа паднав на 10, потоа на пет и сега сум до последните два коина, кои се биткоин и рипл XRP. Значи, ова се последните две монети и повеќе би сакал да умрам отколку да ги продадам“,
вели тој за Ројтерс.
Вредноста на биткоините на корисничките сметки на крипто-берзите, каде што инвеститорите на мало вообичаено вршат трансакции, падна на околу 2,3 милиони од рекордното високо ниво во 2020 година од 3,1 милиони, соопшти берзата Битфинекс.
„Постојат знаци дека значителен број на малопродажни инвеститори се обесхрабрени до точка на целосно напуштање на тргувањето со криптовалути“,
велат аналитичарите на Битфинекс.
Фаваз не е сам во оваа приказна, пишува Ројтерс. Минатата 2021 година беше брутална за инвеститорите. Цената на биткоинот падна за 63 отсто, додека вкупната пазарна капитализација на најголемата криптовалута во светот загуби 1,63 милијарди долари.
„Ова повеќе не е криптозим, ова е крвопролевање“
Колапсот на берзата FTX на Сем Банкмен-Фрид целосно го урна пазарот. Во ноември е забележана седумдневна остварена загуба од 10,16 милијарди американски долари во инвестиции во биткоин, бидејќи инвеститорите беа принудени да ги напуштат своите долгорочни позиции, што е четврта најголема загуба во историјата според оваа метрика, според податоците на Гласноуд.
„Ова повеќе не е криптозим, ова е крвопролевање затоа што колапсот на FTX предизвика домино ефект што уништи толку многу компании“,
рече Линда Оби, крипто-инвеститор во нигерискиот град Лагос, која работи во блокчејн фирмата Зенит чејн.
Таа вели дека е долгорочен инвеститор со петгодишен инвестициски хоризонт и тргува по малку со сè, вклучително и алткоини и мемкоини.