Палестинските власти соопштија дека израелски воздушен напад ја погодил болницата, а министерот за здравство на палестинската управа го обвини Израел за масакрот. Израел, пак, обвини дека експлозијата во болницата „Ал-Ахли ал-Араби“ била неуспешното лансирање ракета од страна на палестинската група „Исламски џихад“, која ја негираше одговорноста
Осуда за нападот врз болницата во Газа утринава стигна од министерот за надворешни работи Бујар Османи, како и од дел од албанските опозициски партии. Османи на Фејсбук порача дека сторителите на овој чин мора да бидат јасно идентификувани и да одговараат.
„Нападот врз болница и училиште во Газа со стотици цивилни жртви е нехуман чин на терор за кој нема оправдување. Почитување на меѓународното и хуманитарно право е приоритет, а цивилите мора да бидат целосно заштитени по секоја цена. Сторителите на овој чин мора да бидат јасно идентификувани и да одговараат“,
порача шефот на македонската дипломатија преку својот фејсбук-профил.
Лидерот на Движењето Беса и градоначалник на Тетово, Билал Касами, го осуди, како што напиша, нападот на Израел врз болница во Појасот Газа оценувајќи го како геноцид. Касами побара меѓународна истрага.
„Злосторство e нападот врз болница во Газа од страна на државата Израел, во кој загинаа над 500 луѓе, меѓу кои и деца, жени и постари лица. Изразуваме осуда и бараме итно меѓународна истрага бидејќи станував збор за чист геноцид!“,
напиша Касами на Фејсбук.
И Алтернатива, дел од албанската опозиција во која се и Беса и Демократско движење, изрази осуда за нападот врз болницата и побара од цивилизираниот свет „да ги запре одмаздничките акции на Израел во кои гинат цивили.
Палестинските власти соопштија дека израелски воздушен напад ја погодил болницата, а министерот за здравство на палестинската управа го обвини Израел за масакрот. Израел, пак, обвини дека експлозијата во болницата „Ал-Ахли ал-Араби“ била неуспешното лансирање ракета од страна на палестинската група Исламски џихад, која ја негираше одговорноста.
Израелска војска: Болницата во Газа беше цел на Исламски џихад, имаме докази
Шефот на цивилната одбрана на Газа изјави дека бројот на загинати е 300, додека извори од Министерството за здравство велат дека бројот е 500.