„Сфативме дека стандардниот концепт за влез во ЕУ е сè или ништо. Патот е долг, патувањето е тешко, а луѓето и кандидатите не гледаат никаква корист од самиот пат. Она што сакаме да го видиме е постепена интеграција на регионот во единствениот пазар пред членството и интеграција во формалните структури на Европската Унија пред самата интеграција“, вели шефот на дипломатијата
Русија дизајнира дезинформации за да ја спречи Северна Македонија да ги постигне своите стратегиски цели, а тоа се членството во НАТО и ЕУ, рече министерот за надворешни работи Бујар Османи во интервју за Еуроњуз, кој вчера во Брисел присуствуваше на панел-дискусијата на конференцијата „Позадината на дезинформациите: Зајакнување на нашите општества против манипулациите и мешањето на странските информации“, чиј домаќин беше високиот претставник на ЕУ за надворешна политика и безбедност Жосеп Борел.
„Фрустрацијата поради одложувањето на пристапувањето на Северна Македонија во ЕУ создава простор за Русија да сее раздор во земјата преку арсенал на хибридна војна“,
рече Османи.
Според него, Русија користи насочени кампањи за дезинформации, вклучително и ширење лажни вести преку интернет-тролови за, како што посочи, да го растури социјалното ткиво на општеството во земјата, како и во Западен Балкан и да го забави нивното пристапување во ЕУ.
„Фрустрацијата што се создава на патот до членството во ЕУ е киднапирана од малигни сили кои се обидуваат да ја канализираат оваа енергија на фрустрација на нивна страна“, вели шефот на дипломатијата.
рече министерот за надворешни работи.
Османи нагласи дека единствениот одговор е недвосмислено да продолжиме со нашата агенда за евроатлантските интеграции.
„Сфативме дека стандардниот концепт за влез во ЕУ е сè или ништо. Патот е долг, патувањето е тешко, а луѓето и кандидатите не гледаат никаква корист од самиот пат. Она што сакаме да го видиме е постепена интеграција на регионот во единствениот пазар пред членството и интеграција во формалните структури на Европската Унија пред самата интеграција“,
рече тој.
Ова, според него, може да значи давање статус на набљудувачи на земјите од Западен Балкан на министерските состаноци на ЕУ, како што е Советот за надворешни работи, идеја што ја поддржуваат неговите колеги од ЕУ.
Османи вчера на панел-дискусијата во Брисел, меѓудругото кажа дека политичкиот пејзаж во Северна Македонија никогаш досега не бил толку поларизиран како пред претстојните претседателски и парламентарни избори, создавајќи два кампуси, како проевропски и антиевропски фронт.
„Првпат нашите граѓани се ставени пред фундаментален тест дали ЕУ листата ќе остане победничка листа на Западниот Балкан на едни избори, рече вчера Османи, додавајќи дека во услови кога понудите на политичките партии се разликуваат во нијанси и кога главната разлика е ЕУ или други алтернативи, Унијата треба да застане во одбрана на вредностите кои ги поддржуваат мнозинството од граѓаните на Северна Македонија, а тоа се вредностите на ЕУ“,
вели тој.
Османи за Еуроњуз кажа дека го поддржува новиот пристап на Брисел за постепена интеграција, вклучувајќи го и планот за раст од 6 милијарди евра за 2024-2027 година, дизајниран да го отвори заедничкиот пазар на Унијата за кандидатите од Западен Балкан и да ги зајакне нивните економии за десет отсто.