Позитивна вест, според министерот, е што е опаднат и бројот на новозаразени, но исто така тој порача и дека тоа не значи оти така ќе остане и во иднина
Министерот за здравство, Беким Сали, денеска од Куманово посочи дека опфатот со вакцинација против ковид-19 во земјава сега е 46 отсто, но тоа вели тој не е многу.
„Тоа не значи многу, многу е важно да знаеме дека имаме сосема доволен број вакцини и ги имаме на располагање за секој граѓанин кој е заинтересиран за вакцинација“,
изјави Сали.
За жал, посочи министерот, интересот за вакцинација е опаднат, меѓутоа паралелно со тоа е опаднат и бројот на новоинфицирани, што е позитивна вест.
„Тоа не значи дека и во иднина ќе биде така. Ние треба да бидеме подготвени како институции за соочување со каков било предизвик од коронавирусот“,
порача министерот.