Покрај во Јужна Африка, омикрон се шири и во европските земји
Јужна Африка денеска регистрира речиси 20 000 нови случаи, што е рекордна бројка од почетокот на бранот на варијантата Омикрон од крајот на ноември.
Јужноафриканскиот национален институт за заразни болести (НИЦД) на својата Интернет страница соопшти дека денеска се регистрирани 19.842 нови случаи на Ковид, така што вкупниот број на заразени е 3 071 064 од почетокот на пандемијата.
Во последните 24 часа починале уште 36 пациенти, со што вкупниот број на починати од Ковид е 90 038.
Зголемен е и бројот на хоспитализирани за 374, па сега има 4 252 пациенти во болниците низ Јужна Африка.
Покрај во Јужна Африка, каде и сојот омикрон за првпат беше откриен, варијантата на ковид-19 се шири и во европските земји, каде се засилуваат и антиковид мерките во поединечни земји.