Нема информација кога ќе се одржат овие состаноци, на кои, како што беше најавено, се очекуваше претседателот на партијата Зоран Заев да поднесе оставка на оваа функција и да почне да тече рокот од 15 дена за распишување внатрепартиски избори за нов лидер
Заев и министрите за надворешни работи и за здравство, Бујар Османи и Венко Филипче, од рано утрово се во Бугарија каде што ги посетија повредените преживеани патници, а потоа беа на средби со највисоките бугарски претставници
СДСМ ги одложи за вечерва закажаните состаноци на Извршниот и на Централниот одбор поради деновите на жалост и несреќата што се случи во Бугарија кога во македонски автобус изгореа 46 патници, а неколкумина се повредени.
„СДСМ и целиот наш народ се во болка и тага поради страшната трагедија што се случи во Бугарија. Закажаните состаноци на ИО и на ЦО се одложени. Сочувство до семејствата и до целиот наш народ“,
посочуваат од СДСМ.
Нема информација кога ќе се одржат овие состаноци, на кои, како што беше најавено, се очекуваше претседателот на партијата Зоран Заев да поднесе оставка на оваа функција и да почне да тече рокот од 15 дена за распишување внатрепартиски избори за нов лидер.
Заев и министрите за надворешни работи и за здравство, Бујар Османи и Венко Филипче, од рано утрово се во Бугарија каде што ги посетија повредените преживеани патници, а потоа беа на средби со највисоките бугарски претставници.
Претходно и Алтернатива ја откажа седницата на Централното претседателство која беше закажана за денеска, а на која се очекуваше партијата да дискутира и да одлучи дали ќе се приклучи кон парламентарното мнозинство и ќе влезе во Владата.