На отворањето на Европското првенство 2023, македонската одбојкарска репрезентација вечерва во СЦ „Борис Трајковски“ во Скопје ја совлада екипата на Данска со 3:1 по сетови 22:25, 25:22, 25:29 9 25:22, со што избраниците на селекторот Јошко Миленковски го направија првиот чекор кон пласман во елиминациската рунда на континенталниот шампионат.
Првиот сет беше неизвесна битка за секој поен, но на крајот Данците триумфираа.
Идентична беше сликата во вториот сет, но овојпат македонските одбојкари успеаја да израмнат на 1:1.
Во третиот сет уште на самиот старт имавме предност која ја задржавме до крајот и во завршницата од дуелот влеговме со водство од 2:1.
Неизвесноста продолжи и во четвртиот сет во кој Данците беа во постојана предност, а во финишот водеа со 19:17.
Во тој момент се случи пресврт, а македонските одбојкари стигнаа до предност од 24:22. Веднаш потоа постигнаа и поен кој им донесе победа.
Првото коло од оваа група ќе биде комплетирано в четврток со натпреварите: Црна Гора – Холандија (17.00 часот) и Полска – Чешка (20.00 часот). Вториот меч избраниците на селекторот Јошко Миленкоски ќе го имаат на 2 септември од 20.00 часот против селекцијата на Црна Гора.
Фото: Фејсбук/Одбојкарска федерација на Македонија