Централниот настан, кој е организиран од Владата, утре ќе се одржи пред Спомен-конструницата во Куманово, а владини делегации дополнително ќе положат цвеќе пред спомениците на паднатите борци од Народноослободителната борба (НОБ) во Скопје и Прилеп
Одбележувањето на државниот празник 11 Октомври – Денот на народното востание, годинава ќе се одржи под мотото „Секогаш на вистинската страна“, соопшти владината прес-служба.
Централниот настан, организиран од Владата, утре ќе се одржи пред Спомен-конструницата во Куманово, а владини делегации дополнително ќе положат цвеќе пред спомениците на паднатите борци од Народноослободителната борба (НОБ) во Скопје и Прилеп.
Централниот настан во Куманово ќе започне со положување на свежо цвеќе на Спомен-констурницата.
„Владината делегација ќе ја предводи премиерот Димитар Ковачевски, а е составена од Артан Груби, прв заменик на претседателот на Владата и министер за политички систем и односи меѓу заедниците, Јована Тренчевска, министерка за труд и социјална политика и Адмирим Алити, министер за информатичко општество и администрација“,
стои во соопштението од Владата.
Потоа, настанот ќе продолжи со културно-уметничка програма на платото пред Спомен-костурницата и со обраќање на премиерот, Ковачевски.
„Со посебни почести владина делегација предводена од вицепремиерката за политики за добро владеење, Славица Грковска, а во состав на Александар Бајдевски, заменик-министер за информатичко општество и администрација и Башким Хасани, заменик-министер за одбрана во 11:15 часот ќе положат свежо цвеќе на споменикот на ‘Ослободителите на Скопје’, на платото кај Владата на Република Северна Македонија, по што вицепремиерката Грковска ќе даде изјава по повод празникот“,
информираат од Владата.
Како дел од чествувањето на празникот 11 Октомври, официјална владина делегација ќе учествува на настан во Општина Прилеп со почеток во 9:30 часот пред споменикот на Методија Андонов-Ченто.
Во составот на оваа владина делегација ќе бидат министерката за култура Бисера Костадиновска-Стојчевска, заменик-министерот за здравство Владимир Рендевски и директорот на Агенцијата за развој на земјоделството Џемил Ќамили.