Во недостиг на социјален дијалог сметајќи оти ова е единствениот пат за достоинствено вреднување на нивниот трудот, објавија од Независниот синдикат на оваа институција
Од утре (од 8 часот) ќе штрајкуваат вработените во Управата за водење матични книги, објави Независниот синдикат на оваа институција. Во најавата се вели дека сè додека трае штрајкот нема да се издаваат изводи од матичната книга на родени, венчани и умрени.
„Во недостиг на социјален дијалог, сметајќи оти ова е единствениот пат за достоинствено вреднување на нивниот трудот“,
се вели во објавата на Фејсбук.
Од денеска на протест излегува и Конфедерацијата на слободни синдикати (КСС) со барање за усогласување на платите во јавниот сектор со минималната плата. Како што е најавено, тие пред Владата и Собранието ќе протестираат од 16 до 17 часот.
По вчерашниот начелен договор меѓу Владата и СОНК за зголемување на платите во училиштата и градинките за 12 отсто, денеска треба да биде донесена конечна одлука за прекин на штрајкот во образованието. Одлуката ќе биде донесена по консултациите што раководството на СОНК треба да ги направи со членството по што од утре се очекува учениците повторно да се вратат во училишните клупи по двонеделен прекин.