Цените на бензините од вечерва на полноќ се намалуваат за 3,5 денари, а за три денари на екстра лесното масло за домаќинство, одлучи денеска Регулаторната комисија за енергетика.
Од полноќ еуросупер БС-95 ќе се продава по цена од 71 денар за литар, еуросупер БС-98 за 73 денари за литар, а дизелот за 63 денари за литар. Новата цена на екстра лесното масло за домаќинство ќе биде 62,5 денари за литар.
Малопродажната цена на мазутот се намалува за 3,016 денари за килограм и сега ќе изнесува 38,527 денари за килограм.
Намалувањето на цените на нафтените деривати се должи на падот на цените на светските берзи.
Новите цени на нафтените деривати ќе важат до следниот понеделник, кога Регулаторната комисија за енергетика повторно ќе одлучува за цените.