Така, новата малопродажна цена на еуросупер БС-95 ќе изнесува 79 денари за литар, еуросупер БС-98 ќе се продава за 81,5, еуродизел БС (Д-Е V) за 73, а екстра лесното масло за домаќинство за 72 денари за литар
Од полноќ поевтинуваат дизел горивата за 1,5 денари за литар, цената на бензинот еуросупер БС-95 се намалува за еден, а на еуросупер БС-98 за половина денар по литар. Ова денеска го одлучи Регулаторната комисија за енергетика, водни услуги и услуги за управување со комунален отпад (РКЕ), со што се врши намалување на малопродажните цени на нафтените деривати во просек за 1,12 отсто.
Така, новата малопродажна цена на еуросупер БС-95 ќе изнесува 79 денари за литар, еуросупер БС-98 ќе се продава за 81,5, еуродизел БС (Д-Е V) за 73, а екстра лесното масло за домаќинство за 72 денари за литар.
За 0,141 денари за килограм се зголемува малопродажната цена на мазутот и ќе изнесува 44,672 денари.
Според РКЕ, референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,487 отсто, кај дизелот за 2,344 отсто.