Од почетокот на карантинот поради коронавирусот во Италија 2 867 жени се обратиле во центрите за борба против насилство во семејството, што е пораст од 74,5 отсто во однос на истиот период лани, покажуваат податоците на Мрежата центри за борба против насилство (ДиРе).
„Овој број покажува колку околностите, кога семејството е принудено да биде затворено, уште повеќе го зголемуваат насилството што жените го доживуваат дома“, вели Псаоли Сдао од мрежата ДиРе.
Експертите изразуваат загриженост за опаѓањето на новите барања за заштита, кои сега се само 28 отсто од вкупниот број, во споредба со просекот од 78 отсто минатата година.
Падот на барањата за помош и заштита не е позитивен показател за падот на насилството бидејќи насилството не се намалува туку станува збор дека многу жени кои првпат се изложени на насилство дома и не знаат како да контактираат со центрите за заштита.
Светската здравствена организација наведува дека насилството над жените и натаму е еден од главните глобални проблеми и се зголемува во период на која било вонредна состојба, вклучувајќи ја и пандемијата на ковид-19.