Ова не е состојба кога некој ќе избира и ќе биде комотен и ќе го загрозува здравјето на луѓето. Мора да имаме разбирање од сите граѓани и тоа што се дава како мерка мора да се почитува, рече премиерот Спасовски
Од денеска секој што ќе сака да излезе од државата ќе треба да потпише дека нема да се врати во земјава три месеци, соопшти денеска премиерот Оливер Спасовски. Тој апелира сите граѓани да ги одложат патувањата и да не пркосат, туку да се приклучат на борбата против вирусот.
„Ова не е состојба кога некој ќе избира и ќе биде комотен и ќе го загрозува здравјето на луѓето. Мора да имаме разбирање од сите граѓани и тоа што се дава како мерка мора да се почитува“,
рече Спасовски одговарајќи на новинарско прашање за мерката што е донесена за групата македонски граѓани кои ќе бидат сместени во групен карантин откако се појавија реакции од дел на условите што ги има во „Пепелиште“.
„Ние мораме да имаме заштита за сите граѓани преку карантин за одредени групи што се враќаат. Знаете дека пред неколку дена се донесе одлука за забрана за групен превоз и затоа мораше да се најде изолиран простор за да се направат првите епидемиолошки контроли и прегледи и потоа да се одлучи каде и како ќе се сместат и ќе се задржат. Знаеме дека условите не се најдобри, но за првично се прифатливи за првично да се направат контроли и веќе има каде ќе бидат сместени. Имаме планови, капацитет и тие планови ги развиваме“,
рече Спасовски.
Во врска со бројката од 200 луѓе со која се шпекулираше дека ќе пристигнат во земјава, Спасовски рече дека се покажало дека се работи за 10 луѓе со минибус, начин на превоз за кој постои забрана како една од мерките.
„Не може да има забрана и некој повторно да го прави истото. Тоа е ризикот. Замислете да дојдеме во ситуација да ни дојдат луѓе со автобус или минибус кои се заразени со вирусот. Истото вчера се направи и за авионот што пристигна од Брисел на аеродромот во Скопје – сите беа тестирани и врз основа на тие прегледи се одредуваат натамошните мерки“,
рече Спасовски.
Тој уште еднаш апелираше да не се патува, а граѓаните тоа да не го игнорираат. Изрази незадоволство од неодговорноста на некои кои покрај сè заминале на туристички патувања.
„Владата укажува – одложете ги патувањата, а ние имаме ситуација која одредени граѓани пред 4, 5, 6 дена си заминале на патување затоа што имале карти за туризам. И сега што треба да правиме, да не ги почитуваме правила и да го зголемуваме ризикот. Затоа укажувам на одговорност“,
истакна Спасовски.
*Поврзана вест