Дел од медиумите објавија дека Финансиската полиција го привела поранешниот директор на Службата за општи и заеднички работи (СОЗР), Пеце Мирчевски, и дека се вршеле претреси во неговиот дом во врска со случаи поврзани со злоупотреби во СОЗР во делот на јавни набавки и други злоупотреби
Основното јавно обвинителство Скопје заедно со Управата за финансиска полиција од утрово врши претреси на неколку локации во Скопје за обезбедување докази во случаи со примање и давање поткуп и злоупотреба на службената положба, информираат од Обвинителството.
„Основното јавно обвинителство Скопје заедно со Управата за финансиска полиција презема дејствија за обезбедување докази во предмет за кривични дела примање поткуп, давање поткуп, проневера во службата и несовесно работење. Во тек се претреси на локации во Скопје, за што е обезбедена наредба на судија на претходна постапка, а се преземаат и други дејствија“,
се наведува во соопштението на Обвинителството.
Дел од медиумите објавија дека Финансиската полиција го привела поранешниот директор на Службата за општи и заеднички работи (СОЗР), Пеце Мирчевски, и дека се вршеле претреси во неговиот дом во врска со случаи поврзани со злоупотреби во СОЗР во делот на јавни набавки и други злоупотреби.
Од Финансиска полиција најавија повеќе детали за случајот подоцна.