Погледнете го новото дебатно издание на емисијата „360 степени“ емитувано на 25 ноември 2022 г. на ТВ Алсат, во кое гостува еден од потпретседателите на ВМРО-ДПМНЕ
Откако Централниот комитет на ВМРО ДПМНЕ од последниот состанок во Прилеп излезе со барање за предвремени парламентарни избори најдоцна до пролетта 2023 година, со потпретседателот на партијата, Александар Николоски, разговараме како планираат да го остварат тоа со оглед на постојаното јавно туркање на оваа идеја без успех досега. Зборуваме и за односот на ВМРО-ДПМНЕ кон партиите на Албанците и обратно, како и дали може оваа партија да остане без партнер ако победи на следните избори. Ако, пак, формира влада, како ќе ја води државата во преговорите со ЕУ имајќи го предвид несогласувањето со Преговарачката рамка (базирана на францускиот предлог), која е документ официјално усвоен од Советот на ЕУ. Тема во интервјуто се и состојбите во Агенцијата за национална безбедност во контекст на скандалот со државјанството на Онишченко.