Погледнете го новото дебатно издание на емисијата „360 степени“ емитувано на 18 ноември 2022 г. на ТВ Алсат
Централна тема за дебата во емисијата е изјавата на новата американска амбасадорка Анџела Агелер дека за САД е збунувачки изборот на Ислам Абази за шеф на Основното јавно обвинителство за гонење организиран криминал и корупција (ОЈО ГОКК), особено откако во изминатите години потрошиле милиони долари на обуки на обвинители и на други во правосудниот систем. Со Дарко Аврамовски – директор на невладината Коaлиција „Сите за правично судење“, Сузана Јошевска-Анастасовска – адвокатка и Васко Маглешов – истражувачки новинар на БИРН Македонија („Призма“) разговараме и за моделот за избор на нов шеф на ОЈО ГОКК, резултатите на Абази како шеф на Вишото јавно обвинителство во Гостивар, (не)реалистичноста на очекувањата дека треба да си даде оставка, позицијата во која во моментов се наоѓа државниот обвинител Љубомир Јовески (ем кандидат за уставен судија ем државен обвинител ем член на Советот на јавни обвинители), повлекувањето на Фатиме Фетаи од трката за шеф на Вишото обвинителство во Скопје…
На крајот е новото издание на ,,Саботажа”.