Погледнете го новото дебатно издание на емисијата „360 степени“, емитувано на 16 декември 2022 г. на ТВ Алсат, во кое гостуваше Мустафа Хајрулахи, в.д. шеф на Вишото јавно обвинителство Скопје
Во екот на дебатата за широко распространетата корупција во земјава, поттикната и со директни изјави од амбасадорите на САД, на ЕУ и на други меѓународни претставници, во 360° гостуваше шефот на Вишото јавно обвинителство во Скопје, Мустафа Хајрулахи. Во овој момент, Хајрулахи е вршител на должноста во очекување да биде реизбран на функцијата по откажувањето од трката на Фатиме Фетаи и Бурим Рустеми, без да образложат зошто го прават тоа. Со Хајрулахи разговараме и за изборот на Ислам Абази за шеф на ОЈО за гонење организиран криминал и корупција и реакциите што не запираат. Како е можно по 18 години на власт на централно и на локално ниво ниеден висок функционер на ДУИ да не заврши на суд, а не, пак, да биде осуден? Вишиот скопски обвинител го прашуваме и за случајот против Ејуп Алими и Исмет Гури од ДУИ, за кој имаше наводи дека Хајрулахи и неговиот колега Дилавер Бектеши намерно го држат во фиока.