Погледнете го новото издание на емисијата „360 степени“, емитувано на 10 март 2023 г. на ТВ Алсат, во кое гостуваше шефот на Основното јавно обвинителство Скопје, Гаврил Бубевски
Со Гаврил Бубевски, шеф на Основното јавно обвинителство (ОЈО) Скопје – најголемото во земјава и според бројот на обвинители и според обемот на работа, разговораме за неколку случаи што ги истражува или застапува на суд ова обвинителство. Прва тема што ја отвораме е двојното убиство во „Шиша бар“ во Старата скопска чаршија – како се случило и се знаат ли мотивите. Разговараме и за случаите со сопственикот на „Доказ“, Марјан Стаменковски – дали ОЈО Скопје ќе стигне до нарачателите и поттикнувачите на објавите. Каде запна истрагата за случајот со купопродажбата на земјиште за потребите на ЕВН Електрани во Делчевско, исто така, е тема. Со Гаврил Бубевски разговараме и за ниското ниво на доверба во правосудството и за најавите за ветинг.