Погледнете го новото издание на емисијата „360 степени“, емитувано на 31 март 2023 г. на ТВ Алсат, во кое гостуваше Влатко Илиевски, адвокат и сопруг на поранешната министерка за внатрешни работи Гордана Јанкулоска
Поранешната министерка за внатрешни работи Гордана Јанкулоска (за случајот ,,Тенк”) и ексградоначалникот на Битола, Владимир Талевски, (за случајот ,,Транспортер”) се единствените високи функционери од периодот кога на власт беше ВМРО-ДПМНЕ што досега завршија со ефективна затворска казна. Никола Груевски побегна, Сашо Мијалков е затворски турист во Струга, а предметите за други обвинети од тој период талкаат по судските лавиринти. Дали кај Јанкулоска има чувство, од една страна, на обесправеност, а од друга, на каење затоа што до крај му остана верна на Груевски иако прислушуваните разговори покажаа дека била длабоко свесна дека нешто не е во ред со системот чиј дел беше и таа? Ова се дел од прашањата за кои разговараме со Влатко Илиевски, адвокат и сопруг на Гордана Јанкулоска. Тема се и нејзината психофизичка состојба, контактите со Катица Јанева во ,,Идризово”, мислењето на Комисијата за спречување и заштита од дискриминација дека Јанкулоска е дискриминирана, одлуката на ЕСЧП во Стразбур…