Според одлуката на Регулаторната комисија за енергетика (РКЕ), цената на бензините и на дизелот се намалува за 1,50 денари
Од ноќеска на полноќ горивата ќе се продаваат по нови, пониски цени.
Според одлуката на Регулаторната комисија за енергетика (РКЕ), цената на бензините и на дизелот се намалува за 1,50 денари.
Па така, од полноќ новата цена на бензинот БС-95 ќе биде 77,50 денари за литар, бензинот БС-98 ќе се продава за 79,50 денари, а дизелот ќе чини 72 денари за литар.
Со одлуката на РКЕ, од полноќ за 1,50 денари поевтинува и екстра лесното масло за домаќинство и тоа ќе се продава за 71,50 денари за литар.
За 1,226 денари за килограм се намалува цената на мазутот кој со одлуката на РКЕ од полноќ ќе се продава за 44,952 денари за килограм.