Новозаболените се пријавени од 20 центри за јавно здравје, Скопје – 198, Тетово – 67, Гостивар – 51, а во другите бројот на заболени е помал или еднаков на педесет
Минатата недела, од 24 до 30 март, биле пријавени 511 нови случаи на заболени од грип, што е за 39,1 отсто помалку во споредба со претходната недела, информираат од Институтот за јавно здравје (ИЈЗ).
Новозаболените се пријавени од 20 центри за јавно здравје, Скопје – 198, Тетово – 67, Гостивар – 51, а во другите бројот на заболени е помал или еднаков на педесет.
Во текот на оваа недела, во девет извештајни единици се регистрира многу ниска, во 10 – сезонска, а во Македонски Брод – средна активност на вирусот на грип.
Во сезоната 2024/2025, вкупниот број случаи на грип и заболувања слични на грипот изнесува 25 011, покажуваат податоците на ИЈЗ.
Во споредба со истиот период од минатата сезона, бројот на пријавени случаи е зголемен за 72,6 отсто, а во однос на моделот од последните 14 сезони, се регистрира зголемување од 22,7 проценти. Најголем број на заболени лица се регистрира на територијата на Скопје, додека највисока кумулативна инциденца е регистрирана на територијата на Дебар.
Заклучно со минатата недела, во државава се вакцинирани вкупно 72 294 лица со бесплатна или комерцијална вакцина против грип.