На дрон што синоќа го погодил Киев, наводно пишувало „Среќна Нова година“, објави Киев пост, пренесувајќи фотографии од началникот на киевската полиција.
Бројни експлозии се слушнаа во Киев и други места ширум Украина, а сирените за воздушни напади плачеа низ целата земја во првите неколку часа по полноќ на Нова година.
„Парчиња од проектили уништени од украинските системи за противвоздушна одбрана оштетија автомобил во центарот на главниот град, но нема повредени или жртви“, изјави градоначалникот на Киев, Виталиј Кличко.
Градската воена управа на Киев соопшти дека се уништени 23 „воздушни објекти“ лансирани од Русија. Нападите уследија неколку минути по новогодишната порака на украинскиот претседател Володимир Зеленски, во која тој ѝ посака победа на својата земја во војната која трае веќе 11 месеци.
📸 This image shows the wreckage of one of the damaged #KamikazeDrones that attacked the capital last night. The drone had an inscription “#HappyNewYear” written on the body.
— KyivPost (@KyivPost) January 1, 2023
The pictures were published by Andriy Nebytov, the head of police in the Kyiv region. pic.twitter.com/4dMCvNYLH8
Украинското Министерство за надворешни работи објави видео на кое се гледа како синоќа за време на полицискиот час се славела Новата година во Киев.
Јулија Мандел, поранешна портпаролка на украинскиот претседател, сподели фотографии за кои вели дека се од Регионалната детска болница Керсон, откако таа била бомбардирана непосредно пред Нова година. Таа изјавила дека нема повредени.
Department for infants of the Kherson Regional Children’s Hospital. The hospital where my mother works. A few minutes before the New Year, russians started shelling it. Nurses saved the children, no one was injured. Almost all other buildings are damaged. Russian army is sick. pic.twitter.com/VIPznZFyMb
— Iuliia Mendel (@IuliiaMendel) January 1, 2023
Украинските воздухопловни сили денеска соопштија дека собориле 45 дронови од иранско производство, лансирани од Русија на новогодишната ноќ.
„Ноќта на 31 декември 2022 година кон 1 јануари 2023 година, руските освојувачи ја нападнаа Украина со дронови камикази „Шахед-131/136“ од иранско производство“,
соопштија украинските воздухопловни сили.
Според нив, 13 дронови биле соборени пред полноќ и 32 по полноќ. Не е прецизирано дали други дронови ги погодиле нивните цели.
Од друга страна, проруските власти во источна Украина соопштија дека еден цивил е убиен при украинско гранатирање денеска во Јасинувата, во областа Доњецк. Според нив, цел на украинската армија бил и Доњецк и соседниот град Макејевка, нешто по полноќ, и биле ранети 15 лица.