Сообраќајот е нормализиран од 12:20 часот попладнево
Откако утринава беше затоврен за сообраќај поради излевање на Маркова Река, локалниот пат од Горно Лисиче кон Долно Лисиче од попладнево од 12:20 часот е прооден, а сообраќајот е нормализиран. Пуштен во употреба е и првиот мост во село Батинци, информираат од Автомото сојузот на Македонија (АМСМ).
Министерството за внатрешни работи потврди дека мостот меѓу Горно и Долно Лисиче е ослободен и безбеден за движење и по него се одвива редовен сообраќај.
Поради обилните врнежи, утринава дојде до излевање на Маркова Река што доведе до поплави на неколку куќи, магацини и индустриски објекти во селата Студеничани и Батинци, како и во делови на Пинтија. Непроодни и затворени за сообраќај беа и локалниот пат од Горно кон Долно Лисиче, како и првиот мост во Батинци.