Потпретседателот на ВМРО-ДПМНЕ Александар Николоски бара масовно тестирање за ковид-19 на жителите во Прилеп за да се откријат жариштата на вирусот. Тој обвинува и дека оние граѓани што веќе се тестирале чекаат резултати и по цела седмица.
Неговата реакција на Фејсбук, доаѓа по денешните нови 16 позитивни случаи на коронавирус во Прилеп, со што бројот на откриени заболени лица се искачи на 72, од кои едно лице почина.
„Тестови мора да се набават и да се направи ова тестирање за да се откријат сите жаришта.Исто така повикувам што побрзо да стигаат резултатите на веќе тестираните. Информациите од Прилеп се дека луѓето чекаат по 5-7 дена за резлутат! Тоа е недозволиво долго време! “, посочува Николовски.
Тој бара и да се дозволи поголема слобода во однос на проценката на матичниот лекар за креирање на упати за тестирање преку системот мој термин, но и да се направи скрининг на здравствениот персонал.
Во својата објава Николоски се осврнува и на стопанството и побара мерки за поддршка особено на семејните бизниси и занаетчиите.