Истекоа сите законски рокови со кои од „мистериозниот“ инвеститор се бараше самиот да ја урне дивоградбата кај ТЦ „Мавровка“, во центарот на Скопје. Според решението на овлaстениот градежен инспекторат, сега надлежноста за отстранување на објектот кој покрива површина од 330 метри квадратни, е на Општина Чаир.
Општина Чаир веќе објави тендер за избор на фирма што ќе отстранува бесправно изградени објекти. Со оглед дека тендерот трае од 27 јули, целата постапка би требало да заврши до средината на август, кога општината, преку избраниот економски оператор ќе го урне објектот.
Начинот на кој никна објектот во „Мавровка“ го истражува и МВР преку Единицата за компјутерски криминал. Кога ќе заврши истрагата, полицијата ќе го извести и Обвинителството.