Според коефициентот, по 8 комисии ќе раководат СДСМ и ВМРО-ДПМНЕ, три ДУИ и две Алијанса и Алтернатива, или вкупно 21 комисија
Знаеме дека претседателот на парламентот по дифолт ја води Уставната комисија, потоа ќе претседаваме со Комисијата за здравство и сега останува да видиме дали ќе ја раководиме комисијата за европски прашања или за образование
Деновивe се прават подготовки за да се свика новата собраниска седница на која ќе биде изборот и на комисиите, најави денеска координаторот на пратеничката група на ДУИ Изет Меџити.
Одговарајќи на новинарско прашање денеска во Собранието на доделувањето на државната награда „8 Септември“, тој рече дека нема проблеми во договарањето, кој ќе ги води собраниските комисии.
„Според коефициентот, по 8 комисии ќе раководат СДСМ и ВМРО-ДПМНЕ, три ДУИ и две Алијанса и Алтернатива, или вкупно 21 комисија. Знаеме дека претседателот на парламентот по дифолт ја води Уставната комисија, потоа ќе претседаваме со Комисијата за здравство и сега останува да видиме дали ќе ја раководиме комисијата за европски прашања или за образование“,
рече Меџити.