Неизвесно на Блискиот Исток: Дали Нетанјаху ќе се откаже од одмаздата против Иран по разговорите со Бајден

Американскиот претседател Џо Бајден наводно го одвратил израелскиот премиер Бенјамин Нетанјаху да изврши одмазднички напад против Иран, кој минатата ноќ лансираше околу 300 беспилотни летала и проектили врз Израел, пишува „Њујорк тајмс“, пренесе „дневник.хр“.

Бајден наводно му рекол на израелскиот премиер дека пресретнувањето на речиси сите дронови и ракети е голема победа и дека не е потребна дополнителна одмазда.

По ескалацијата на Блискиот Исток, високиот претставник за надворешна политика и безбедност на Европската Унија, Жозеп Борел свика состанок на министрите за надворешни работи на ЕУ за во вторник, имајќи предвид дека иранскиот напад без преседан врз Израел ги подгрева стравувањата од војна на Блискиот Исток.

On behalf of EU Member States, I condemn in the strongest terms the Iranian attacks against Israel and call on all parties to exercise utmost restraint.

I just spoke to Iran’s FM Abdollahian to convey these messages & urge Iran not to escalate further.https://t.co/spGKwAuMXW

— Josep Borrell Fontelles (@JosepBorrellF) April 14, 2024

„Нашата цел е да придонесеме за деескалација и за безбедност во регионот… Во име на земјите членки на ЕУ, силно ги осудувам иранските напади врз Израел и ги повикувам сите страни на екстремна воздржаност. Само што разговарав со иранскиот министер за надворешни работи Абдолахиан за да ги пренесам овие пораки и да го повикам Иран да не ескалира понатаму“,

вели Борел.

Поради иранскиот напад врз Израел беше свикан видеосостанок на Г7, како и вонреден состанок на Советот за безбедност на ОН.

Претходно, израелското Министерство за надворешни работи истакна дека Иран мора да плати „почетна цена“ за својот напад. Иранската револуционерна гарда мора да биде признаена како терористичка организација, изјави портпаролот Лиор Хајат.

Британскиот премиер Риши Сунак изјави дека британската воена авијација соборила беспилотни летала лансирани од Иран во нападот на Израел и повика на воздржаност за да се избегне ескалација на конфликтот.

„Ние се залагаме за безбедноста на Израел и поширокиот регион, што е, се разбира, важно за нашата безбедност овде дома. Сега сите треба да размислуваме ладнокрвно и смирено“,

смета Сунак.

Европските лидери го осудија нападот на Иран врз Израел и повикаа да се спречи понатамошна ескалација и крвопролевање

* Насловни фотографии: EPA-EFE/Al Drago / POOL и EPA-EFE/ABIR SULTAN ANP special assignment