Иран синоќа го нападна Израел со 300 проектили, а портпаролот на израелските одбранбени сили соопшти дека 99 отсто од нив биле пресретнати од воздушната одбрана. Даниел Хагари соопшти дека Иран истрелал 120 балистички ракети кон Израел. Многу од нив биле соборени од системот за воздушна одбрана со долг дострел „Стрела“, иако некои од ракетите успеале да ја заобиколат одбраната на Израел, погодувајќи ја воздушната база Неватим во јужен Израел
Пораки со остра осуда на иранските напади врз Израел испратија лидерите на институциите на Европската Унија. Тие преку социјалната мрежа Икс повикаа на воздржаност и спречување на понатамошна ескалација на ситуацијата во регионот.
Како што веќе објавивме, Иран синоќа го нападна Израел со 300 проектили, а портпаролот на израелските одбранбени сили соопшти дека 99 отсто од нив биле пресретнати од воздушната одбрана. Даниел Хагари соопшти дека Иран истрелал 120 балистички ракети кон Израел. Многу од нив биле соборени од системот за воздушна одбрана со долг дострел „Стрела“, иако некои од ракетите успеале да ја заобиколат одбраната на Израел, погодувајќи ја воздушната база Неватим во јужен Израел.
Иран, кој го започна нападот како „одмазда за бомбардирањето на неговите дипломатски објекти во Дамаск“, објави дека операцијата е завршена. Израелската служба тврди дека станува збор за зграда во која се криеле војници на единицата Кудс – специјализирани за шпионажа и неконвенционално војување, а поддржани од Хамас, Хезболах, хутите…
„Остро го осудуваме нападот што Иран го започна врз Израел. Мора да се направи сѐ за да се спречи понатамошна регионална ескалација. Мора да се избегне натамошно крвопролевање“,
напиша претседателот на Советот на ЕУ, Шарл Мишел, во објава на Икс.
Мишел воедно најави дека ЕУ заедно со своите партнери ќе продолжи внимателно да го следи развојот на ситуацијата во регионот на Блискиот Исток.
Strongly condemn the attack launched by Iran on Israel.
— Charles Michel (@CharlesMichel) April 13, 2024
Everything must be done to prevent further regional escalation. More bloodshed must be avoided. We will continue to follow the situation closely with our partners.
Белгискиот премиер Александар де Кро, кој е актуелен претседавач со Европскиот совет, наведе дека Иран е познат спонзор на тероризмот и неговиот директен напад врз Израел претставува опасна ескалација на насилството на Блискиот Исток.
„Го осудувам овој голем напад врз Израел и ги повикувам сите страни да покажат воздржаност. Веднаш треба да се постигне итен прекин на огнот“,
порача Де Кро на социјалната мрежа Икс.
Претседателката на Европската комисија, Урсула фон дер Лајен на Икс објави дека силно го осудува „бесрамниот и неоправдан“ напад на Иран врз Израел.
„Го повикувам Иран и неговите претставници веднаш да ги прекинат овие напади. Сите актери сега мора да се воздржат од понатамошна ескалација и да работат на враќање на стабилноста во регионот“,
додаде Фон дер Лајен во објавата.
I strongly condemn Iran‘s blatant and unjustifiable attack on Israel.
— Ursula von der Leyen (@vonderleyen) April 14, 2024
And I call on Iran and its proxies to immediately cease these attacks.
All actors must now refrain from further escalation and work to restore stability in the region.
Високиот претставник на ЕУ за надворешна политика и безбедност Жозеп Борел наведе дека Унијата силно го осудува неприфатливиот ирански напад врз Израел.
„Ова е невидена ескалација и сериозна закана за регионалната безбедност“,
наведе Борел на Икс.
The EU strongly condemns the unacceptable Iranian attack against Israel.
— Josep Borrell Fontelles (@JosepBorrellF) April 13, 2024
This is an unprecedented escalation and a grave threat to regional security.
Со осуда за нападот се јави и еврокомесарот за соседство и проширување на ЕУ, Оливер Вархеји.
„Најостро го осудувам нападот на Иран врз Израел. Нападот врз Израел значи напад врз регионот и неговата безбедност. Се молиме за оние кои се нападнати“,
напиша Вархеји.
Американскиот претседател Џо Бајден претходно денеска ги осуди иранските напади врз воените објекти во Израел, ветувајќи координиран дипломатски одговор од Групата седум (Г7) и ја нагласи помошта на Соединетите Американски Држави во соборувањето на „речиси сите“ напаѓачки дронови и проектили.
Бајден, кој го прекина патувањето во Делавер и се врати во Вашингтон за да се сретне со советниците за нападот во саботата доцна навечер, во соопштението објавено од Белата куќа рече дека американските сили и објекти не биле погодени.
Американскиот претседател рече дека ја повторил својата „железна“ поддршка за безбедноста на Израел во разговор со премиерот Бенјамин Нетанјаху, со кого имал затегнати односи поради израелското справување со војната во Газа.