„Најчесто обидите доаѓаат преку електронска пошта, но и преку социјалните мрежи, СМС-пораки или телефонски говорни пораки. Во некои случаи, граѓаните добиваат порака дека се предмет на наводни правни постапки за измислени кривични дела и се повикуваат да стапат во контакт со испраќачот преку Вибер или телеграм-линк“, се вели во соопштението од Секторот за компјутерски криминал
Граѓаните добиваат пораки наводно испратени од директорот на Бирото за јавна безбедност или министерот за внатрешни работи, во кои им се соопштува дека се под истрага за ивршени кривични дела и дека е потребно да се регистрираат преку електронска пошта и да ги достават своите лични податоци. Тие електронски пораки се обид за измама со цел прибирање лични податоци за нивна понатамошна злоупотреба. За ваквите измами на граѓаните денеска информираат од Министерството за внатрешни работи (МВР), посочувајќи дека се зголемени фишинг-нападите и случаите на лажно претставување во име на министерот за внатрешни работи и директорот на Бирото за јавна безбедност.
„Најчесто обидите доаѓаат преку електронска пошта, но и преку социјалните мрежи, СМС-пораки или телефонски говорни пораки. Во некои случаи, граѓаните добиваат порака дека се предмет на наводни правни постапки за измислени кривични дела и се повикуваат да стапат во контакт со испраќачот преку Вибер или телеграм-линк“,
се вели во соопштението од МВР.
Оттаму апелираат до граѓаните да бидат внимателни, да не ги отвораат овие пораки и никако да не контактираат со испраќачот преку доставениот линк или да споделуваат лични податоци доколку тоа се бара од нив.
Посочуваат дека ваквите измами честопати имаат меѓународна димензија, а слични пораки се забележани и во други држави во регионот.