Оние што до дванаесеттиот ден нема да покажат симптоми најверојатно нема да ги развијат ниту подоцна, но сè уште може да бидат преносители
Во просек потребни се пет дена за едно лице да покаже симптоми на коронавирусот, потврдија американски научници.
Експерти од Универзитетот „Џон Хопкинс“ анализирале случаи на заразени со коронавирусот во Кина и други држави и докажале дека најголем дел од луѓето развиле симптоми во петтиот ден.
Оние што до дванаесеттиот ден нема да покажат симптоми најверојатно нема да ги развијат ниту подоцна, но сè уште може да бидат преносители. Сепак, се смета дека шансите за пренесување на вирусот од лице што нема никакви симптоми се помали и дека најризични преносители се оние што имаат симптоми како кашлица, треска и потешкотии во дишењето.
Експертите препорачуваат луѓето што биле во земјите каде што е регистриран коронавирусот или имале контакт со потенцијално заболено лице, независно дали имаат симптоми или не, како превенција да се самоизолираат 14 дена, колку што се смета дека трае периодот на инкубација.
Според нив, дел од луѓето што се заболени имаат лесна клиничка слика, но болеста може да биде сериозна и смртоносна најчесто за возрасни луѓе со хронични заболувања.
Поврзани вести:
Коронавирус: Разбивање на митовите
Уште три лица од Дебар позитивни на коронавирусот
ОЈО за „360 степени“: Сѐ уште е рано за кривично-правна интервенција за заразената докторка