Поведувајќи се од претставките, екипи на Народниот правобранител ги посетиле двата главни пункта кај МРТВ и пунктот во Кисела Вода, каде што ги потврдиле наводите во претставките дека има сериозен број исправи, лични карти, возачки и патни исправи кои, како што рече тој, се ставени настрана и нема увид органот за нивно распределување во однос на издавање
Укажуваме до Министерството за внатрешни работи да направи добра реорганизација на процесот за издавање лични документи и нормално да тече тој процес на издавање готови исправи. Ова денеска го посочи Народниот правобранител Насер Зибери, кој рече дека изминатиот период постојано пристигнуваат претставки на граѓаните во однос од неможноста да ги подигнат личните документите за кои веќе е спроведен процесот на фотографирање, како и процесот на изработка, а не се издадени.
„Граѓаните чекаат за добивање на термин, па потоа за фотографирање, обработка и одобрување, па уште чекаат и за издавање на личните документи“,
рече Зибери.
Поведувајќи се од претставките, екипи на Народниот правобранител ги посетиле двата главни пункта кај МРТВ и пунктот во Кисела Вода, каде што ги потврдиле наводите во претставките дека има сериозен број исправи (лични карти, возачки и патни исправи) кои, како што рече тој, се ставени настрана и нема увид органот за нивно распределување во однос на издавање.
„Ова е неприродна работа. МВР е должна ова да го прави по службена должност, а не по наше барање ова да биде, да ја бараме патната исправа на тој и тој граѓанин“,
вели тој.
Тимот на Народниот правобранител им помогнал на граѓаните кои итно им бил потребен пасошот кој не успеале да го подигнат, најчесто за итно патување, дали за лекување, за спортско, деловно патување и во соработка со МВР ги нашле готовите документи.
Според народниот правобранител, постои непримена на дел од Законот за лични карти во однос на издавање лични карти со трајна вредност, а тоа право е дадено во законот, но МВР не го спроведува.
„Доколку МВР го примени овој член, ќе се намали притисокот во иднина за обнова на личните карти. На пример, граѓаните со возраст над 65 години ќе имаат трајни лични карти. Апелирам МВР да ја применува оваа одредба“,
рече Зибери.
Тој посочи и проблем кој се однесува во пресрет на одржување на изборите, односно на оние граѓани кои во меѓувреме наполниле или ќе наполнат 18 години, а немаат лична карта или пасош. Смета дека со тоа ќе се доведе во прашање нивното право за учество во изборите, нешто што, рече дека им е уставно загарантирано.
Побара Владата да го разгледа проблемот и на оваа група граѓани да им обезбеди приоритет во постапката за обезбедување лични карти.
„Исто така, им се овозможи и на превозниците, иако се во многу помал број. Но, има време до првиот круг на изборите до средината на април“,
рече народниот правобранител.